FIN DE CURSO

Tedes que perdoar que esta última entrada chegue con un pouco de atraso pero as miñas obrigas persoais impedíronme escribir antes.

E digo última e non derradeira porque nunca se sabe o que pasará nos vindeiros meses.

Falta facer un resumo da festa fin de curso. Chegaron cargados de chuches nas súas mochilas para poder compartir. Que follón para gardar todo en bolsas e vaia nervios que tiñan. Mentres que algunhas mestras colocaban as mesas no patio, para o gran banquete final, esperamos na aula falando do que pensabamos facer nas vacacións e xogando un pouco.

Ás 11 da mañá chegou o pistoletazo de saída: todo o mundo para o patio a merendar.

Faltounos a música pero non importa. Un dos momentos máis divertidos foi pintar as caras (seguro que chegaron á casa guapísimos e guapísimas).

Como estabamos todos decidín facer unha foto de grupo que quedará para o recordo e como xa levaban pouca colección de chuches pois pensei en regalarlles outra bolsiña 😆😆😆.

Chegou a fin do curso 2016-2017, un ano no que os vosos pequenos e pequenas iniciaron o “cole de maiores”, novos espazos, novas mestras, novos compañeiros e compañeiras, novas normas e horarios, circunstancias ás que puido custar máis ou menos adaptarse pero en definitiva unha experiencia enriquecedora para todos (pequenos e grandes) porque todo suma.

Aprendemos dos éxitos e dos erros pero non se aprende aquelo que non se vive ou que non se fai por un mesmo. Deixade por iso que os vosos fillo e fillas desfruten manipulando, observando, descubrindo, facendo, ... porque todas esas aprendizaxes son as que realmente quedarán nas súas memorias.

Quero despedirme enviando unha aperta moi grande para todos e desfrutando dun delicioso té con lacasitos, porque das outras chuches xa vai boa que non quedan.

😘BICOS😘