Coa chegada da
primavera aparece tamén a curiosidade por saber máis cousas sobre as plantas.
Por iso estamos a
realizar no colexio o típico experimento de poñer a medrar unha faba en algodón
húmido, sistema baseado no que cientificamente se coñece como cultivo
hidropónico.
Neste caso para
non ocupar moito espazo puxemos as nosas fabas en bolsas de plástico que agora
están colgadas dun mural no corredor.
Deixo un enlace á
gravación onde eles mesmos fan o resumo de como plantamos as fabas. Como sabían
que os gravaba tiñan vergoña e non querían falar. A próxima vez terei que
agochar a cámara 😁😁😁.
Tivemos un
problema coa nosa plantación. A pesar de poñer o letreiro de NON TOCAR foi
imposible que os curiosos non apertasen as bolsas. Fixemos un segundo intento
de ver medrar as nosas fabas (e como non estaba moi segura de que desta vez si
respectasen o traballo puxen outras fabas separadas para poder metelas nas
bolsas).
Esta segunda
remesa si saíu e xa se poden ver as raíces e en varios casos o talo ou as
follas.
Resulta moi
interesante ir ao corredor e ver que a túa faba está medrando.
Nuns días
enviareinas para a casa e xa podedes plantalas nunha maceta ou na horta. Con uns
coidados mínimos teredes fabas pasado o verán 👍👍.
No hay comentarios:
Publicar un comentario