Esta semana
houbo dous novos aniversarios.
O martes foi o
día de Pablo. Amosounos unha fotografía de bebé onde aparecía cun gorriño azul.
Aí estaba moi tranquilo pero segundo iamos vendo fotos deunos a sensación de
que é un pouquiño traste. Dedicase a encher a carretilla dos avós con auga da
mangueira, gusta de disfrazarse de pirata e contounos que ten unha colección de
super heroes. O certo é que o pasa moi ben. Vai moitas veces á Coruña cos seus
pais e coa avoa e ten a sorte de que sempre gaña nos recreativos.
Todos lle
desexamos un feliz aniversario e cantamos para el o cumpreanos feliz logo de soprar
a vela.
E ao día seguinte
celebramos o aniversario de Benji. Na súa foto de bebé estaba a rir, porque Benji
sempre está contento. Gustounos moito a súa foto de 3 anos porque estaba
xogando con unha escavadora, aínda que o seu xogo favorito son os coches Blaze.
Dixo que tamén lle gustaba moito ir ó parque para xogar cos compañeiros e que
xa case sabe columpiarse so.
Despois de soprar
a vela e cantar a canción de rigor comemos gusanitos ata encher.
Parabéns para
Pablo e para Benji dos seus compañeiros e das mestras.
No hay comentarios:
Publicar un comentario