MÚSICA GALEGA

Este mes de maio estivo moi influenciado pola cultura galega devido a dúas festas salientables no noso calendario: as Letras Galegas e Os Maios.

Para continuar aprendendo sobre a nosa cultura contamos coa visita na aula de Miguel, o papá de Xoel. 

Coñece e toca varios instrumentos moi típicos en Galicia e chegou cargado con varios deles.

Agora xa sabemos o que é 

unha pandeireta

 e unha pandeira. 

Aprendemos que eses círculos metálicos que levan chámanse ferreñas.

Tamén nos ensinou como soaba o pandeiro cadrado (porque habíaos redondos). Incluso puidemos tocalos porque trouxo dous pequenos.

Cantou para nos varias cancións (aquí tendes o enlace para escoitar un pouco).

O certo e que ten un son bastante forte e algúns tapaban as orellas ao principio pero logo bailaban coas orellas tapadas 😂😂😂.

E ao final de todo bailamos e xogamos con cancións populares como “A saia da Carolina” e o xogo da "Carrasquiña".

Pasárono tan ben que o resto do día estiveron dando palmadas na mesa e cos pes.

👏👏👏 FOI UN ÉXITO 👏👏👏

Coido que incluso algún quere aprender a tocar a pandeireta.

Moitas gracias Miguel polo teu tempo. 

Por certo tamén trouxo unha lata de pementón, e que os galegos facemos festa con calquera cousa 👍.