Esta semana as
eirugas medraron moito. Incluso limpando na caixa descubrimos restos das mudas.
Con este tamaño son moi visibles as partes, nótase incluso onde estaban as
patas.
Se pinchades no
texto de cor aquí, veredes como estes animaliños son máis duros do que parecen xa
que os nenos e nenas trastean con eles cando poden. De todos os xeitos están
avisados que non se lles pode tocar cando están quietos e teñen a cabeza
levantada, porque nese momento están facendo a muda da súa pel.
Temos outra
novidade. Ainara trouxo unha bolsa perfecta para poder transportar as eirugas
para a casa. Ten asas e cremalleira, e dúas caras transpirables. Polo que poden
ir perfectamente no autobús.
Se alguén está
interesado en levar unhas poucas de eirugas para a casa un día, que me envíe
unha nota. A maioría das eirugas están próximas a facer o casulo así que xa non
queda moito tempo para poder velas en vivo e en directo.
No hay comentarios:
Publicar un comentario