QUE FACEMOS NA ESCOLA?

Para achegarvos un pouco todo o que facemos durante un trimestre, vou a facer un resumo sobre a metodoloxía de traballo empregada polas diferentes mestras que interveñen na educación dos vosos fillos e fillas.

Comezamos todos os días realizando o que chamamos “Asemblea” donde estamos todos xuntos. O encargado ou encargada pasa lista recoñecendo que compañeiros viñeron ao colexio e cales non, contamos cantos somos e cantos faltan e traballamos o tempo a través dos días da semana e os meses no calendario. Nestas asembleas tamén se fomenta a socialización (respectando as quendas de palabra por exemplo), falamos das emocións e do coñecemento do corpo mediante os debuxos que eles fan de si mesmos. Todas estas actividades permiten desenvolver a expresión oral e achegarnos á expresión escrita (a través dos seus nomes), adquirir coñecementos matemáticos, razoamento lóxico, mellorar a atención, a autonomía,…

Unha vez rematado este tempo, ao longo da xornada, tamén traballamos en pequenos grupos. 
A aula está dividida en 5 espacios:

• A mesa laranxa, dedicada ás construcións. onde melloramos o coñecemento espacial

 

• A mesa verde, dedicada ás matemáticas. Onde melloramos o coñecemento matemático

• A mesa vermella, dedicada á expresión plástica

• A mesa amarela, dedicada á biblioteca de aula. Onde traballamos a linguaxe escrita

• A mesa azul, dedicada ao xogo simbólico. Coñecida como a cociña pero tamén temos material de médicos, de perruquería, de supermercado, os galiñeiros,…

Os grupos son variables, ao longo da semana todos pasan pola totalidade das estacións e con diferente grupo de compañeiros. Existe unha parte de xogo libre e unha parte de traballo dirixido.

Unha vez por semana temos as clases de psicomotricidade. A modo de exemplo poño algunha fotografía da sesión realizada durante a semana da prensa. A profe Sonia preparou unhas actividades moi divertidas empregando papeis de periódico.

Podemos ver no vídeo o ben que o pasaron.

Tamén hai dúas sesións de inglés durante a semana. A profe Eva sempre chega chea de enerxía para achegarnos de xeito oral a lingua inglesa. A modo de exemplo podedes ver como se traballan as cores empregando cancións e libros infantís. Algúns contestan e participan con maior ou menor acerto…

Espero que vos resultase entretido ver un pouco máis de cerca o día a día da escola.