CAPITULO 1º: EIRUGAS DA SEDA

Bueno como xa tiñamos poucas cousas para facer 🙈😁😁 pois imos a meternos nunha nova aventura: AS EIRUGAS DA SEDA.

Os nenos de 3º de primaria tiñan gardados dende o ano pasado ovos de eirugas da seda e como había unha grande cantidade ofreceronos a aqueles que quixeran levar uns poucos para a súa clase.

Foi algo que nos colleu por sorpresa así que teremos que ir todos aprendendo sobre a marcha como coidar das eirugas.

Polo de pronto os ovos están a facer eclosión antes de tempo, debido á calor que fai dentro do edificio. Este é un problema, xa que non hai pola contorna follas de moreira, sustento principal das eirugas.

Buscando información en internet parece que poden comer algo de leituga pero iso non será suficiente para mantelas e que cheguen a estado adulto. Seguramente estes primeiros individuos morrerán, pero hai que intentalo.

Vou a gardar uns poucos ovos nun lugar fresco haber se hai sorte e eclosionan logo da Semana Santa, agardando ter para esa época follas de moreira.

O ciclo de vida destes animais é curto polo que teríamos tempo dabondo de observar as eirugas antes de que remate o curso escolar.

Deixo un enlace ó vídeo que fixen para que todos poidades ver como están estas primeiras eirugas.

Enviarei unha nota para a casa onde irán instrucións sobre a busca de información. E todas as semanas engadirei un capitulo novo sobre a evolución das eirugas.

Levar a cabo este proxecto ten múltiples xustificacións pedagóxicas:

• Axuda a comprender o ciclo da vida
• Permite concienciar sobre o respecto á natureza
• Da pe a traballar educación para a saúde, educación ambiental, educación cívica,…
• Inclúe contidos de todas as áreas de experiencia infantís, coñecemento de si mesmo e autonomía persoal, coñecemento do contorno, linguaxes e comunicación

Espero que vos resulte tan interesante coma aos nenos esta nova experiencia. Ide pensando se acolleriades a estas mascotas na casa algunha fin de semana, aínda que pode resultar complexo polo autobús e o comedor.

Ata o próximo capítulo.