UN PAXARO NO PATIO

Esta mañá, no patio, apareceu un paxaro que parecía desorientado e ferido. Para evitar que sufrise males maiores as profesoras colocárono nunha caixiña de cartón e chamaron ao "Centro de Recuperación de Fauna Salvaxe".

Estabamos de visita na clase dos magos para ver o paxariño cando chegou Jose, un dos operarios do Centro de Recuperación que está en Oleiros. Así que aproveitamos para facer algunhas preguntas. Resultou ser un exemplar novo de Chotacabras. Contounos que hai que chamar ao Centro de Recuperación para que eles podan coidar e curar aos animais antes de volver a soltalos na natureza e que non hai que darlles de comer nin de beber.

QUE COUSAS MÁIS CURIOSAS SUCEDEN NESTE COLEXIO. 

Deixo un enlace ao CRFS para o que queira saber máis