UN EXPERIMENTO, FACENDO XEO

Estas semanas pasadas fixo moito frío. Tanto que se conxelaron os coches, as herbas, as beirarrúas,...

Por iso quixemos facer un experimento O NOSO PROPIO XEO!!! para poder observalo ao noso gusto e quentiños dentro da aula.

A profe Sonia (que nos da psicomotricidade e tamén ven a axudarnos algunhas veces na aula) veu a botarnos unha man así que puxemos as cousas que nos gustaron nos moldes para o xeo e engadimos auga.

-       - Non está fría

-       - Non está conxelada!

-  As cousas flotan  
 - Mira!!!!! Molla 
- Eu quero tocar a purpurina, pero quedase pegada no dedo….

Claro que non está fría, nin conxelada, e molla porque aínda non a puxemos no frío e está líquida. Por iso as castañas, as noces, as follas e a purpurina flotan.



  - Pero as pedras non

 


Pois porque as pedras pesan moito e non teñen aire no seu interior (aire… un concepto moi complicado de comprender).

  -  Entón como facemos o xeo???

  Temos que poñer os moldes con auga nun sitio que faga moito frío 
 -  Fora??

Fora vai frío si, pero si muda o tempo xa non se conxela a auga. Pensade en outro sitio onde faga moito frío sempre.

-          - O Polo Norte!!!!

-          -   A neve!!!

Eses sitios serven pero quedan moi lonxe. Algo que se atope dentro da casa.

-         -  Na neveira

-         -  No conxelador cos xeados

Boa idea!, imos ata o conxelador.

E pasados uns días volvemos ao conxelador coa profe Isa (que tamén nos axuda de vez en cando) pero aproveitamos para pasar antes polo patio para ver e tocar o xeo nas herbas e facer fume e nubes coa boca. Foi moi divertido.

En fin, aquí está o resultado.

O xeo estaba moi frío, as castañas, as noces, o musgo,….estaban dentro e non se soltaban. As mans e as mesas quedaban molladas coa auga que se derretía e cando volvemos do recreo nas bandexas soamente quedaba auga e as cousas que antes estaban no xeo.

 




Resultou tan divertido que queremos facer xeo outra vez. 



Xa veremos se máis cara o verán.